Termokosi  dhe Pallati i Rinisë i janë bashkuar kampanjës “Prishtina Rozë”, për ndërgjegjësimin ndaj sëmundjes së kancerit të gjirit.

Kështu bëri të ditur, kryetari i komunës së Prishtinës, Përparim rama i cili ndau pamjet e këtyre ndërtesave të “veshura” me ngjyrën rozë, shkruan Arbresh.info.

Me ngjyrë rozë janë ndriçuar edhe ndërtesa e Presidencës dhe Kuvendit të Kosovës.

Muaji i ndërgjegjësimit për kancerin e gjirit, Presidenca dhe Kuvendi ndriçohen me ngjyrë rozë

Tetori, në të gjithë botën është muaji i ndërgjegjësimit për zbulimin e hershëm të kancerit të gjirit.

Muaji i ndërgjegjësimit për kancerin e gjirit është një fushatë vjetore ndërkombëtare që synon të shpërndajë informacion dhe të edukojë njerëzit për rëndësinë e shëndetit të gjirit, për zbulimin e hershëm të kancerit të gjirit te gratë dhe vajzat në të gjithë botën.

Çdo vit, kjo fushatë fillon më 1 tetor dhe përfundon më 31 tetor. Fushata organizohet edhe për të mbledhur fonde për kërkime shkencore për zbulimin e shkaqeve, parandalimin, diagnozën dhe trajtimin e këtij kanceri.

Fushata gjithashtu ofron informacion dhe mbështetje për femrat që janë të prekura nga kanceri i gjirit.

/Arbresh.info.